Major Requirement 主修課程

DSR全寫係Discipline-Specific Requirement，修即係你嘅主修課程要求，可以分做三個部分，分別係Discipline-specific major study、Work-integrated Education (WIE, 實習)，同埋Capstone Project (FYP)，通常Capstone Project都會橫誇Year 4 Sem 1同Sem 2。同學喺Programme Requirement Document (PRD)就可以見到你自己課程嘅DSR科目。

建議主修科目跟返PRD嘅建議去reg，因為有啲DSR科目未必每個Sem都會開。而GUR嘅科(CAR、SL等)可以因應自己喜好同能力自行安排。

係。WIE係理大嘅畢業要求，所有理大學生都必須要完成，否則畢唔到業。

同學需要自己搵實習機會，但係學生事務處就業服務部(CPS)亦會透過電郵宣傳就業講座或工作機會。另外，同學可以經POSS進入PolyU Job Board搵適合自己嘅工作機會。

需要。自己搵實習後通常需要學系嘅認證，例如讀工程嘅同學仔要做同工程相關嘅工作。記住將份實習嘅資料拎去自己學系嘅General Office或者負責WIE嘅教授睇，經佢批准獲得認證後去做就會比較安全，最好得到書面證明，以防萬一。同學切記要保留相關工作證明，用來證明自己已經完成相關要求，同埋要按時完成WIE Report，咁先係完成WIE要求。

建議同學可以直接用電郵方式詢問自己學系負責實習嘅辦事處職員或者教授，最好加埋工作範圍等資料，WIE 係因應學系要求同工作性質，每個個案都係獨立處理。如果你讀會計，然後申請小學功課輔導班做實習，當然好大機會唔批，但如果你讀中文，獲批機會就大啲，但都唔一定批准。

如果同學想係暑假期間去一啲受歡迎嘅公司做實習，同學可以喺2-3月期間開始密切留意電郵同PolyU Job Board(同學可經POSS進入)，可以早啲獲得心儀公司面試。

有機會可以，但係一定要係正式請你之前，問吓自己學系呢份實習計唔計WIE。就好似COMP咁有啲STEM嘅intern係唔計落WIE，所以最重要都係得到General Office或者負責WIE嘅教授嘅批准先開始個個實習，就最穩陣。

呢個係個人選擇，好難提供個別意見。一般而言，我哋鼓勵SYA同學，盡早完成CAR、WIE同Service Learning嘅要求，等同學有充足嘅時間完成畢業要求。比較多SYA同學傾向係第一年嘅暑假完成WIE 要求，因為容易啲遷就返工時間。報名嘅時間同方法可以參閱CPS嘅網頁，或者同佢哋聯絡。