SubpageBanner FreshmenQnA

SYA Project已經將Q&A轉交相關部門檢查答案係唔係準確無誤,同學參考吓好啦,唔好當係100%準! 如果有咩問題,建議大家直接聯絡所屬學系或相關部門,佢地會為你提供最標準嘅答案。

 

Subject Registration – Schedule 科目註冊 [選科時間]

2021-2022學年新生註冊學科時間為8月20日至8月24日。有部分課程已為同學pre-Assigned部分科目,同學亦可自行按課程要求選修其他科目。註冊學科詳情可瀏覽教務處註冊學科網頁

2021-2022年度SYA同學Reg科嘅時段係朝早10:30分,同學可以登入eStudent入面嘅Personal Checklist留意自己嘅選科時間,再作確認。詳情可以參考教務處的科目註冊安排

可以。只要係reg科嗰幾日之內上eStudent做就可以,但建議早啲reg,以免心儀科目冇位。

如果唔想reg科,就會照現時Pre-Assigned個時間表上堂。如果之後仲想改動,都仲有Add/Drop Period調整時間表。

Sub Registration – Pre-assignment & Zero-Credit Subject 科目註冊 [預先註冊及零學分科目]

Pre-assign代表預留咗位置俾你,唔需要再reg,記住留意上堂時間。

呢個情況係唔可以經eStudent手動drop,係需要學系批核。如果同學發現有問題,記住直接打電話或者親身到學系辦事處查詢。

雖然有啲科目係零Cred(學分),但好可能係你嘅畢業要求,好大機會係要上堂,但係因為每位同學嘅課程編排都有差異,唔可以一概而論,建議同學向自己課程所屬學系查詢,以免影響時間表編排以及畢業要求。

部分零學分科目只會分合格或者唔合格,並唔會影響GPA。

Subject Registration – Subject Selection 科目註冊 [選科]

大學規定每個sem最多讀21cred,如果想讀多過21 cred,就要向學系申請,某啲學系會幫同學申請,會有電郵通知。另外,同學要至少讀9 cred先至係full-time student。

建議主修科目跟返PRD嘅建議去reg,因為有部份主修科目只會喺Sem 1或者Sem 2開,而GUR嘅科(CAR、SL等)可以因應自己喜好同能力調動。

只要你冇到達學期學分上限(21 Cred),你幾時選讀咩科目都冇問題,主要睇你嘅個人選擇,建議因應返自己能力同喜好決定。

每科由唔同嘅component組成,其中有唔少係Lecture+Seminar嘅組合,所以reg嘅時候要揀哂兩個部分,總之要揀齊哂所有嘅component先可以成功reg到科。如果有其中一個component同其他科目時間上有衝突,都係reg唔到科。每個component代表咩可以喺eStudent Subject Search嘅Component Code表度睇到。

Restricted PS係限制咗讀某啲學系或課程嘅人先讀得。另外University Wide就任何同學都讀得。

唔可以。由2020/21學年開始,大學已經唔容許「洗底」呢個動作。除非你嗰科唔合格需要重讀,否則唔可以retake。大家唔好再以為有第二次機會啦,記住每一科都要努力!

Subject Registration – Timetabling 科目註冊 [時間表]

同學可以喺公佈咗時間表後,去PolyU Easy Planner排時間表。

Pre-Assigned嘅科唔可以輕易喺eStudent drop。除非你有一個好有說服力嘅原因,否則獲批機會都幾細。如果同學真係有需要,記住直接打電話或者親身到學系辦事處查詢。時間地點方面,如果有多過一班(例如: LEC001,LEC002),而又有位,係可以轉去另外一班,而唔會影響畢業要求。

Reg科時間同Add/Drop Period都可以轉Tutorial/Seminar時間,reg科嘅時候可以重新reg同一科,然後揀唔同嘅Tutorial/Seminar,如果有位俾你轉就會轉到另外一班,即使Pre-Assigned嘅科目都可以。同學唔需Drop原先Pre-Assigned嘅科,直接當新科reg就可以,系統會直接取代原先嘅Seminar。

同學可以寫個電郵俾Tutor,寫明你同對方嘅名字、學生編號、同原本嘅Tutorial時段,睇下佢可唔可以幫到手。又或者等Add/Drop Period,見到隔離有位就各自調。

當你撳完"confirm"之後,當日就冇得再改。同學可以等聽日或者、Adjustment Before Semester Commencement Period或Add/Drop Period再改動時間表。

Subject Registration – Add/Drop Period & Waitlist Function 科目註冊 [增選棄修及候補名單]

如果心儀科目已經爆左而且嗰科同時容許候補名單,同學可以係reg科個時揀埋入Waitlist,如果有同學放返個空位出來,咁排係Waitlist第一位嘅同學就會自動補上。但自動補上空缺都要符合一啲條件,例如唔好reg爆Credit,唔可以係已經獲得Credit Transfer嘅科目等等。詳情請參閱教務處有關候補名單的常見問題Enhanced Subject Waitlisting Arrangement

Reg完科之後你會係Confirmation Page見到自己排第幾。同學可以耐唔耐上返eStudent reg科頁面檢查一下自己嘅排位有冇上升。如果你等到候補位置,系統會自動幫你reg科,同學都會收到電郵通知。

唔係! 同學必須注意侯補名單唔代表有得讀嗰科,排第一只係代表機會大啲。情況就好似係酒樓飲茶拎飛等位咁,即使下張檯到你入座,但係酒樓入面啲茶客未埋單走人,酒樓就安排唔到位置比你,要等佢離座先可以入去食點心。

Adjustment Before Semester Commencement Period會比較好,因為可以早啲定好時間表。

Subject Registration – Mock Registration and Subject Vacancy 科目註冊 [模擬選科及科目名額]

同學只有3個時間可以睇到各班(包括Lecture,Seminar,Laboratory)嘅空缺情況,就係Subject Registration時段、Adjustment Before Semester Commencement Period同Add/Drop Period先會睇到。

Mock Subject Registration見到嘅空缺資料未必係最新最準確。想知每科有幾多個位同剩返幾多個位,可以喺Subject Search/ PolyU Easy Planner度睇到。

唔係。Mock Reg系統主要係俾同學嘗試Add科、Drop科同Change Group,作為reg科練習(以及Add/Drop)嘅練習。

Subject Registration – Tips 科目註冊 [小秘訣]

同學可以早啲登入eStudent,然後進入reg科頁面,然後係59分59秒撳F5,重新整理完就會入到個頁面。

 

Back to FAQ page